கட்டபொம்மன், சேதுபதி, மருதுபாண்டியர் வாரிசுகளுக்கு ஓய்வூதியம் அதிகரிப்பு

நமது நாட்டு விடுதலைப் போரில் பங்குகொண்டு வரலாற்றில் போற்றப்படும் வீரப்பெருமக்களின் தியாகத்தைப் பாராட்டி, அவர்களுடைய வழித்தோன்றல்களுக்கு சிறப்பு ஓய்வூதியம் மாதந்தோறும் வழங்கப்படுகிறது.

அந்தவகையில், வீரபாண்டிய கட்டபொம்மன், மருதுபாண்டிய சகோதரர்கள், இராமநாதபுரம் முத்துராமலிங்க விஜயரகுநாத சேதுபதி ஆகியோரின் வழித்தோன்றல்களுக்குத் தற்போது வழங்கப்பட்டு வரும் சிறப்பு ஓய்வூதியம் மாதம் 500 ரூபாய் என்பதை, அவர்களுடைய கோரிக்கையை ஏற்று மாதம் 1000 ரூபாய் என உயர்த்தி முதல்வர் கருணாநிதி இன்று (டிசம்பர் 16) ஆணையிட்டிருக்கிறார். இந்த ஆணையின்படி, வீரபாண்டிய கட்டபொம்மனின் வழித்தோன்றல்கள் 7 பேரும், மருதுபாண்டிய சகோதரர்களின் வழித்தோன்றல்கள் 132 பேரும், முத்துராமலிங்க விஜயரகுநாத சேதுபதியின் வழித்தோன்றல்கள் 80 பேரும் இனி மாதம் 1000 ரூபாய் வீதம் சிறப்பு ஓய்வூதியம் பெறுவார்கள்.